<div style="background:#fff;border:#bbb dashed 1px;padding:5px"><a href="http://eo.citatepedia.ro/comments.php?id=211" style="color:#000;text-decoration:none"><div style="margin:10px 0"><strong>La Korvo</strong></div><div style="margin:10px 0">Foje malgajnoktomeze, dum la kapo pendis peze,<br>Kaj mi legis volumegojn strangajn, plenajn de folklor',<br>Dum mi lacis, dolorkapa, ekaŭdiĝis sono frapa,<br>Kvazaŭ io frapet-frapa, frapis en la koridor'.<br>"Estas iu vizitanta ulo en la koridor',"<br>Diris mi kun eta plor'.</div><div style="margin:10px 0">Ha, memoras mi kun vero, estis dum la neĝa tero,<br>Ĉiu disa flamegero brulis kiel ruĝa or'.<br>Longa nokto tedeginta -- vane estis mi peninta<br>Konsoliĝi legadinta — pro la pensoj pri Lenor',<br>Pro la belulino kiun nomis anĝelar' Lenor' —<br>Forvelkinta kiel flor'.</div><div style="margin:10px 0">Kaj la silka susureto venadante de l' tapeto<br>Min timigis per teruroj el la fundo de dolor'.<br>Tial mi kun kor' batanta staris daŭre ridetanta,<br>"Estas iu vizitanta ulo en la koridor' —<br>Iu ulo tre malfrua frapas en la koridor' —<br>Tio nur, la timon for!"</div><div style="margin:10px 0">Miaj pensoj tiam iĝis pli sentimaj kaj mi diris,<br>Ja pardonu min mi petas Sinjorino aŭ Sinjor',<br>Sed en fakto mi dormetis, tiel milde vi frapetis,<br>Mi apenaŭ vin aŭdetis esti en la koridor'."<br>Kaj la pordon mi malfermis larĝe al la koridor' —<br>Jen mallumo, ĉio for.</div><div style="margin:10px 0">En nigraĵon scivolante staris mi rigardegante,<br>Dube, pense, kaj revante aĵojn fremdajn al memor' ;<br>Sed silento preme estis, kaj malbruo daŭre restis,<br>Kvazaŭ kvietaĵoj festis per flustrita vort' "Lenor'!"<br>Tion flustris mi kaj eĥo remurmuris ĝin, "Lenor',"<br>En la fundo de la kor'.</div><div style="margin:10px 0">Retiriĝis mi kun timo, jen ekbrulis la animo,<br>Ĉar denove frap' aŭdiĝis tute super la ignor'.<br>"Certe", diris mi kun krio, "estas ĉe l' fenestro io,<br>Do sciiĝu mi pri tio per rezono kaj esplor' —<br>Mia koro trankviliĝu dum pensado kaj esplor' —<br>Estas vent' en stranga hor'."</div><div style="margin:10px 0">La riglilon mi eltiris ĉe l' fenestro kaj eniris<br>Flirte kun majesto Korvo el epoko de l' honor'.<br>Ĝi ne havis salutguston, senhezite montris bruston,<br>Eksidiĝis sur la buston kiu estas el marmor' —<br>Sur la superpordan buston kiu estas el marmor' —<br>Kaj sidadis kun rigor'.</div><div style="margin:10px 0">Tiu birdo de ebono vekis en mi per la kono<br>De mieno tre solena ŝercemecon de l' humor' —<br>"Kvankam estas via kresto forrazita, via gesto<br>Kaj la serioza resto estas el la land' de glor'.<br>Kiel vi nomiĝas Korvo, en la land' de nigra glor'? "<br>Diris Korvo, "Ĉiam for".</div><div style="margin:10px 0">Tion mi ja multe miris, klare vortojn ĝi eldiris,<br>Sed el gorĝo ili iris ja sen senco aŭ valor' ;<br>Ĉar ni ĉiuj devas ridi kiam oni povas vidi<br>Birdon, kiu daŭras sidi sur la busto el marmor' —<br>Birdon, kiu sidas sur skulptita busto el marmor' —<br>Kaj nomiĝas "Ĉiam for".</div><div style="margin:10px 0">Sed sur busto ja sentime diris Korvo elanime<br>Tiujn nurajn vortojn kvazaŭ ili venis el la kor'<br>Ne plu vortojn ĝi eltrovis, nek la plumojn ĝi ekmovis.<br>Diri mi apenaŭ povis, “Ĝi ne restos dum la hor' —<br>Ĝi forflugos kiel la amikoj en antaŭa hor'."<br>Diris Korvo, "Ĉiam for".</div><div style="margin:10px 0">Mirigite de surpriza respondeto tre preciza,<br>Diris mi, "Sendube tio estas sola la trezor',<br>Kiun kaptis ĝi de iu deziranta ke ĝi sciu<br>Pri la tragedio kiu lin turmentis per angor',<br>Ĝis la kantoj liaj vibris per la ŝarĝo de l' angor'<br>De 'Ĉiam — ĉiam for'."</div><div style="margin:10px 0">L'animo mia ridetadis ĉar la Korvo nur sidadis;<br>Ŝovis mi do seĝon antaŭ pordon al la koridor'.<br>Sur veluron sidiĝante mi ekpensis scivolante<br>Kion volas diradante birdo nigra en kolor' —<br>Kial daŭre diras tiu birdo nigra en kolor'<br>Tiujn vortojn "Ĉiam for"?</div><div style="margin:10px 0">Mi konjekti tion provis, tuj rigardoj miaj trovis<br>Ke okuloj ĝiaj ege brulis en min kun dolor'.<br>Mi pensadis kun diveno, kaj kun kapo en la teno,<br>Sur velura la kuseno aspektanta kvazaŭ or' —<br>Sed veluran la kusenon aspektantan kvazaŭ or'<br>Ŝi ne premos — ĉiam for!</div><div style="margin:10px 0">Tiam pensis mi, ke vere la aero pezis pere<br>De fantoma incensfumo kunmiksita kun vapor'.<br>"Acegulo," kriis mi, "do estas vi nur diablido<br>Turmentanta min per vido de la amo al Lenor'!<br>Ĉesu — ĉesu kaj forgesu pri la morto de Lenor'!"<br>Diris Korvo, "Ĉiam for".</div><div style="margin:10px 0">"Profetaĉo!" mi ekkriis, "Ĉu ja ĉion vi eksciis?<br>Ja vin sendis al mi Dio el la land' de nigra glor',<br>En la mondon de malpleno kie ĉiu entrepreno<br>Ne valoras je la peno — diru, pro la mia plor' —<br>Ĉu ĉielo estas gaja? — diru al la mia plor'!"<br>Diris Korvo, "Ĉiam for".</div><div style="margin:10px 0">"Profetaĉo!" mi rekriis, "Ĉu ja ĉion vi eksciis?<br>Pro ĉielo plej potenca kaj la Dio de l' ador',<br>Diru al mi veron tiun: Ĉu mi trovos tie iun<br>Belulinon dolĉan kiun nomis anĝelar' Lenor' —<br>Trovos tiun belan kiun nomis anĝelar' Lenor'?"<br>Diris Korvo, "Ĉiam for".</div><div style="margin:10px 0">"Tiuj vortoj estu via adiaŭo!" kriis mia<br>Gorĝo, "Amikecon nian jam elviŝu el memor'!<br>La mensogon Di' malbenu, en soleco min Li tenu,<br>Aĉan korpon vian prenu de la busto el marmor'!<br>Tuj figuro nigra estu forigita de l' marmor'!"<br>Diris Korvo, "Ĉiam for".</div><div style="margin:10px 0">Nun la Korvo silentadas, kaj sidadas, kaj sidadas,<br>Sur la pala superporda busto je la koridor',<br>Kaj okuloj de malbono min penetras de l' demono,<br>Ĝia ombro sur la fono estas nigra en kolor' —<br>Kaj animo mia el la ombro nigra en kolor'<br>Ne leviĝos — ĉiam for!</div><div style="margin:10px 0"><br /></a><br />poem by <a href="http://eo.citatepedia.ro/by.php?a=Edgar+Allan+Poe">Edgar Allan Poe</a>, translated by Jon Willarson<div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://eo.citatepedia.ro/comments.php?id=211" data-title="La Korvo de Edgar Allan Poe" data-description="Foje malgajnoktomeze, dum la kapo pendis peze,/Kaj mi legis volumegojn strangajn, plenajn de folklor',/Dum mi lacis, dolorkapa, ekaŭdiĝis sono frapa,/Kvazaŭ io frapet-frapa, frapis en la koridor'./"Estas iu vizitanta ulo en la koridor',"/Diris ..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black